طريقة حصول على كرت بابارا مجاني ووصول لباب بيت حصريا 2020
رابط موقع بابارا
هنا
لتحميل تطبيق بابارا
السلام عليكم و رحمة الله و بركاته
حبابب اعطيكون تجربتي الكاملة عن هالكرت لانو صرلو معي زمان تقريبا و رح اعطيكون كيف اخدتو من الاول للاخر
اول شيبتجل على كرت متل ما مشروح و هاد الكرت يلي رح تحصل عليه فيك تشتري فيو من البيم او تسحب من من ماكينات الصرافة بعد ما تاخد الكرت بتروح على googl play او اب ستور عالايفون بتنزل برنامج Papara و بتفعل البرنامج من الخطوات يلي بطلبها منك من ايميل ورقم تلفون و حستب فيس و خلافو و بعد ما تفعلو بتلاقي ال 5 يلي دفعتا بقلبو بعدون لازم تأكد الحساب ع هويتك حتا تقدر تطلب الكرت يلي الو شريحة و الكرت يلي الو شريحة بتقدر تستعملو كأنو كرت بنك بتعبي بقلبو مبلغ بيوصل ل250 الف بتقدر تسحب منو بالايام العادية 2000 ليرة و حاليا 5000 اما عالالوان ما كانت موجودة لكن افضل كرت هو الاسود و باقي الالوان ما بعتقد منقدر ناخدها
و الكرت الو رقم حساب متلو متل اي حساب بنكي فيك تستلم عليه الحوالة من اي مكان
#ميزات الكرت بتقدر تسحب من كل الصرافات 5 مرات مجانا بعد هيك بصيرو ياخدو 1% و مافي عليه اي ضرايب شهرية و حتا عند الشراء مافي ضرايب و التعبئة من ATM الصراف الالي 5 مرات مجانا كل شهر بعد هيك بصيرو ياخدو 1%
من فوائدو انك بتقدر تستلم من اكتر من بنك حوالة عن طريق ال IBAN كل بنك الو ال IBAN الخاص فيو داخل البرنامج
من ميزاتو انك بتقدر تاخدو بدون اي ايداع و بتقدر تتركو بدون ما تعبي و ما بيجيك اي ضرايب عليه
السيئ فيو انك ما بتقدر ترسل حوالة الى باقي البنوك لا عن طريق رقم الحساب ولا عن طريق ال IBAN الكرت فقط بيستلم لكن فيك ترسل لأي شخص عندو حساب على Papar
السيئ فيو انو الكرت ما بيصل بسرعة يعني ممكن ياخد الكرت مدة من ال 7 ايام للشهر لكن فيك تراسلون عن طريق البريد
بيبقى لما تضيع الكرت و هاد الشي يلي ما جربتو و لله الحمد 😂 فيك تراسل الشركة عن طريق البريد و هنن بيقلولك شو بدهن يعملو لكن المبلغ ما بتفقدو طول ما البرنامج مفعل عالهاتف بامكانك ترسل المبلغ لحساب Papara تاني و بعد ما تستلم الكرت اما بدل ضائع او كرت جديد فيو يرجع يرسلك المبلغ
و #بعتذر عالاطالة لكن الكرت بيحتاج فيديو للشرح و انا رح حاول ساعد اي حدا بالتعليقات عندو سؤال عن الكرت
وشكرا🌹
#تعديل بسيط للناس يلي عبتقول منفتح حساب افضل في كتير ناس ما بتقدر تفتح حساب و في ناس فتلت كتير فروع و ما حدا فتحلها حساب و في ناس عندون كرت الهلال الاحمر و ازا فتحو حساب بروح عليهون
تعليقات
إرسال تعليق